മരക്കച്ചോടക്കാരനായ അശോകനെ കണ്ടപ്പോ സുഹൃത്ത് നാണുപറഞ്ഞു

"അശോകാ ഒരു പിലാവ് വ്ക്ക്ന്നത് ണ്ടേനും
അങ്ങ് കൂവ്വക്കൊല്ലിമലയിലാ ഒരു പൊക്കച്ചന്റതാണ് മരം
വീട് ള്ളെ ട്ത്തി ലാ

അശോകൻ പ്രതീക്ഷയോടെ
കഷ്ടപ്പെട്ട് ബദ്ധപ്പെട്ട് ബുദ്ധിമുട്ടി
എകരം കാരി ചോദിച്ച് ചോദിച്ച്
പൊക്കച്ചന്റെ വീട്ടിലെത്തി

അശോകന്പിലാവ് കാണിച്ച ഉടനെ
പൊട്ടിവീണ വലിയ കൊമ്പു കാട്ടി
പൊക്കച്ചൻ പറഞ്ഞു

"ഇത് മൂവ്വായിരത്തിന് കൊടുത്തതാ"

ഇത് കേട്ടതും അശോകൻ ഒന്ന് ഞെട്ടി

മൊത്തം പിലാവിന്റെ വില അശോകൻ
മതിച്ചത് രണ്ടായിരത്തിന് ചുവടെയാണ്

അശോകൻ വിലയൊന്നും പറയാതെ
തിരിച്ചുപോരുമ്പോൾ പൊക്കച്ചനോടായി
ഇത് മാത്രം പറഞ്ഞു

"അരുപറേന്നേനെക്കാട്ടിലും ഒര് ഇരുനൂറ്റയിമ്പത്
ഉറുപ്പിയ ജാസ്തിക്ക് ഞാൻ എടുക്കും"

കുറച്ചു ദിവസം കഴിഞ്ഞപ്പോൾ പിലാവ്
പൊക്കച്ചൻ ആയിരം രൂപയ്ക്ക് വേറെ ആൾക്ക്
വിറ്റെന്നിറഞ്ഞപ്പോൾ അശോകൻ അതിന്റെ
സത്യാവസ്ഥ അന്വേഷിച്ചു

അപ്പോഴാണ് അശോകന് മനസ്സിലായത്
മൂവായിരത്തിന് പിലാകൊമ്പ് കൊടുത്തു
എന്പൊക്കച്ചൻ പറഞ്ഞത് ഇരട്ട പേരുള്ള
മൂവ്വായിരം നാണുവിനാണെന്നുള്ള കാര്യം